Foto ilustruese

Kronikë

3 apartamente dhe 20 mln lekë/ KPA lë në fuqi shkarkimin e gjyqtarit Besim Trezhnjeva

26 Korrik 2018, 17:43| Përditesimi: 26 Korrik 2018, 17:59

  • Share

Kolegji i Posaçëm i Apelimit ka lënë në fuqi vendimin e Komisionit të Pavarur të Kualifikimit për shkarkimin e gjyqtarit të gjykatës së Durrësit, Besim Trezhnjeva. KPA ka shqyrtuar ankesën e Trezhnjevës pas shkarkimit në 13 prill nga KPK-ja.

Trupa e përbërë nga Luan Daci, Ina Rama, Rezarta Schuetz,  Sokol Çomo dhe e kryesuar nga Ardian Hajdari vendosi lënien në fuqi të vendimit të KPK-së.

Gjyqtari Trezhnjeva largohet nga sistemi i drejtësisë pas këtij vendimi, ndërkohë që KPK gjeti nga hetimi në 3 kriteret, atë të pastërtisë së figurës, pasurisë dhe aftësive profesionale, se Trezhnjeva nuk justifikonte dot pasurinë e tij.

Sipas kontrollit të Vettingut gjyqtari nuk justifikonte dot burimin e aseteve në vlerën e 20 milione lekëve si edhe burimin e tre apartamenteve, 2 në Tiranë dhe 1 në Durrës. Gjyqtari s’e pranoi vendimin duke e ankimuar pranë KPA-së, e cila siç ishte parashikuar në seancën e sotme ka vendosur lënien në fuqi të vendimit të KPK-së.

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?