TIRANE- Dy gjyqtarët e Apelit Agim Bendo dhe Ervin Metalla, të cilët shpallën ‘vrasje pa dashje’ ekzekutimin e Faik Myrtajt dhe Ziver Veizit nga Ndrea Prendi dhe Agim Llupo në protestën e 21 Janarit 2011, zyrtarisht nuk mund t’i afrohen sistemit të drejtësisë për 15 vjet. Shkarkimi i Ervin Metallës për fshehje pasurie është vulosur nga Kolegji i Posaçëm i Apelimit që në 30 tetor të 2019, ndërsa Agim Bendo u vetëlargua nga drejtësia para se të përballeshin me Vetingun. Pjesë e trupit gjykues ishte edhe gjyqtarja Evjeni Sinojmeri. Kjo e fundit është larguar nga drejtësia për një periudhë dyvjeçare që në 1 prill 2018. Megjithatë, pavarësish lejes së miratuar nga Këshilli i Lartë u Drejtësisë, Komisioni i Vetingut ka nisur që më 15 nëntor 2018 verifikimin e Evjeni Sinojmerit për ligjshmërinë e pasurisë, pastërtinë e figurës dhe aftësitë profesionale.
Vendimmarrja e fundit është firmosur për fatin e gjyqtarit të Apelit, Agim Bendo. Në 4 dhjetor të 2019, Komisioni i Pavarur i Kualifikimit, me trupë gjykuese të përbërë nga Alma Faskaj, Pamela Qirko dhe Firdes Shuli, ka vendosur “ndalimin e emërimit të z. Agim Bendo si gjyqtar ose prokuror i çdo niveli, anëtar i Këshillit të Lartë Gjyqësor ose Këshillit të Lartë të Prokurorisë, Inspektor i Lartë e Drejtësisë ose Prokuror i Përgjithshëm, për një periudhë 15-vjeçare”. Ky vendim erdhi pas dorëheqjes së gjyqtarit nga drejtësia, dorëheqje e cila u pranua nga Këshilli i Lartë Gjyqësor në 4 nëntor 2019. Trupa gjykuese e KPK kishte nisur verifikimin e Bendos për ligjshmërinë e pasurisë, pastërtinë e figurës dhe aftësitë profesionale që në 24 shtator të 2018.
Agim Bendo, Ervin Metalla dhe Evjeni Sinojmeri
Treshja e gjyqtarëve Agim Bendo, Ervin Metalla dhe Evjeni Sinojmeri, në shtator të vitit 2013 dënuan me vetëm vit burg ish-kreun e Gardës së Republikës, Ndrea Prendi, i akuzuar për vrasjen Faik Myrtajt si dhe me 3 vjet burg Agim Llupon i akuzuar për vrasjen e Ziver Veizit në protestën e 21 Janarit 2011. Prokuroria kishte kërkuar 23 vjet burg për Ndrea Prendin dhe 25 vjet për Agim Llupon. Vrasje e dy protestuesve të tjerë Aleks Nikës dhe Hekuran Dedës mbetën pa autor. Gjithashtu pa autor mbetën edhe plagosjet me armë zjarri të gjashtë protestuesve të tjerë, përfshirë edhe gazetarë.
Komente
Tre plehra me pak. Heqshin kemben zvarre edhe per te tjere.
PërgjigjuErvin Metalla pijanec ordiner i lidhur me bandat e shijakut duhet te ishte ne burg dhe jo perjashtim per 15 vjet
PërgjigjuNga termeti nuk shpeton dot me kembe. Ahu i te pafajshmeve do ti ndjek nga pas perjete
PërgjigjuAgim Bendo dha doreheqjen se doli ne pension. Shendet e te mira.
PërgjigjuShikojini nga fytyra!Nuk them që të jenë domosdoshmërisht të bukur!Ne fytyrën e tyre,vetëm mirësi nuk ka!Harbutëri!Ehhh sa ka nga këta.... fjala "ndershmëri"ka rënë.....
PërgjigjuLajm shume i mire.
Përgjigju