Komisionerët e Partisë Demokratike në Fier kanë ndaluar numërimin e votave duke u tërhequr për shkak të lodhjes. Ata kanë kërkuar që procesi i numërimit të votatave të filloje nesër në orën 8:00.
Numërimi është ndërprerë për 3 KZAZ-të e qytetit përkatësisht për 58, 59 dhe 60, ndërsa qarku Fier në total ka 9 KZAZ. Ky vendim nuk është mirëpritur nga numëruesit e PS të cilët duan që të vijoi numërimi.
Nënkryetarja e KZAZ - se Enkelejda Veliu ka pohuar se numëruesit nuk kanë zvendësues.
‘Ne menduam që ta ndërpresim votimin për ta nisur nesër në mëngjes në orën 8:00. Është një lodhje njerëzore, nuk mundemi më, nuk kemi zvendësues’, tha ajo.
PD deklaron zyrtarisht se numëruesit kanë shfaqur lodhje dhe për këtë arsye ka ndodhur tërheqja. Po shihet mundësia e zëvendësimit për ta rifilluar procesin në orën 18:00 ndërkohë që KQZ, sipas Kodit Zgjedhor, ka marrë vendim që të presë deri në orën 14:00, dhe më pas të fillojë numërimi me 1 numërues nga PS dhe 1 nga PSD.
Ndërkohë, Patosi, Roskoveci dhe Mallakastra pritet që të rifillojnë numërimi, pasi janë pushim që prej orës 08:00.
Komente
