Pasditen e sotme është raportuar një vatër e re zjarri në fshatin Tragjas të Vlorës, ku aktualisht vijon puna për shuarjen e flakëve, të cilat janë përpahur në një sipërfaqje të konsiderueshme ndikuar nga era. Mësohet se deri më tani, zjarri nuk rrezikon banesat që ndodhen afër zonës së përfshirë nga flakët, megjithëse situata mbetet serioze. Ndrkohë, raporohet se janë ende aktive 7 vara zjarri në të gjithë vendin.
Aktualisht vijon të jetë aktiv zjarri në fshatin Mal Bardhë, Kurbin, që u ndez ditën e djeshme, ndërkohë vazhdon puna për shuarjen e tij. Gjithashtu, në Sojnik dhe Tunjë të Gramshit vijon puna për izolimin e një vatre. Në fshatin Niçë të Pogradecit, flakët janë vënë nën kontroll dhe po punohet për shuarjen përfundimtare të vatrës.Vatrat e zjarrit në Kurbin dhe Pogradec, nuk janë problematike sa për të rrezikuar banesa apo përhapje shumë të gjerë, të gjitha ndodhet jashtë zonave të banuara. Ndërsa në fshatin Tunjë, situata paraqitet më problematike, kjo për shkak të terrenit malor, i cili vështirëson ndërhyrje me mjete zjarrfikëse.
Në 24 orët e fundit për shuarjen e vatrave të zjarrit në të gjithë vendin janë angazhuar 246 Forca Operacionale të Shërbimit të Mbrojtjes nga Zjarri dhe Shpëtimi, Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare dhe janë angazhuar 30 mjete zjarrfikëse. 14 vatra zjarri u raportuan gjatë 24 orëve të fundit, ku 11 prej tyre janë shuar plotësisht.
Është përkeqësuar situata e zjarrit në fshatin Tragjas të Vlorës. Raportohet se në vendngjarje kanë shkuar 2 mjete zjarrfikëse dhe ndodhen 12 efektivë, të cilët po punojnë për shuarjen e flakëve, por për shkak të terrenit malor, zjarrfikëset e kanë të vështirë të shkojnë deri në vendin ku ndodhet vatra e zjarri. Përkeqësimi i situatës ka ndodhur po ashtu se flakët po favorizohen nga era, kjo nisur dhe nga pozita gjeografike e fshatit.
Report Tv mëson se deri më tani zjarri nuk rrezikon banesat që ndodhen afër zonës së përfshirë nga flakët, megjithëse situata mbetet serioze.
Zjarr i fuqishëm prej mbrëmjes se djeshme ne fshatin Tunjë të Gramshit vijo të jetë ende aktiv. Mësohet se zjarrfikësit ndodhen ne vendin e ngjarjes dhe po luftojnë me flakët, por për shkak të terrenit të vështirë dhe erës po behët i pa mundur izolimi i flakëve.
1 / 5
2 / 5
3 / 5
4 / 5
5 / 5
Raportohet për një situatë zjarri në fshatin Tragjas. 2 mjete zjarrfikëse dhe 8 efektive zjarrfikës dhe forcat e policisë së Orikumit ndodhen në zonë sëbashku me pyjoren.
Tre vatra zjarri janë njoftuar nga qytetarë të rastit në lagjen Kala Beratit. Sipas burimeve në Drejtorinë e MZSH Bashkia Berat pas njoftimit për një zjarrin në shkurre pisha në lagjen Kala janë nisur në vend ngjarje 2 mjete zjarrfikëse dhe 6 punonjës të repartit zjarrfikës. Zjarri dyshohet ishte i qëllimshëm pasi ishte vendosur në 3 vatra të ndryshme dhe distance nga njëra-tjetra. Pas vënies nën kontroll është ndërhyrë me mjete rrethanore dhe me ujë për fikjen e tij. Situata në këto momente është u vunë nën kontroll. Po punohet nga insktoriati krimit për gjetjen e vënien pranga autorëve.
