Një ndër rrugët kryesore në Fier është ajo që lidh qytetin me bregdetin e Semanit dhe të Darëzes. E rikonstrusktuar 3 vite më parë, ku aks 32 km është dëmtuar sërish.
“Shumë kohë ka. Jemi shumë keq. Duhet rregulluar patjetër”, shprehet një drejtues mjeti.
“Shikoje vetë. Kemi bërë gomat e makinës, disqet ishalla do na e rregullojnë”, thotë një tjetër.
Më problematik është kryqëzimi i fshatit Qenas, ku shtrihen shinat e linjës hekurudhore Fier -Vlore. Këtu kalojnë shpesh trenat e mallrave, por nuk ka asnjë sinjal që paralajmëron rrezikun.
“Po bëhen rrugë që nuk u takojnë për të bërë dhe nuk bëjnë rrugën kryesore. Dëmet me automjetet janë të mëdha për aq metra sa është për . Ka 2 vjet e me shumë”, thotë një drejtues automjeti.
“Shumë e vështirë është plot gropa , iku makina u prish fare. Po bën 3 vjet-4 vjet kështu”, thotë një tjetër
Qarkullimi është i madh në këtë aks rrugor, pasi u shërben 50 fshatrave që lidhen me qendrat e njësive administrative dhe zona te tjera me interes industrial, bujqësor e turistik. Përgjegjëse për mirëmbajen e saj është Bashkia e Fierit.
