Një ngjarje e rëndë u regjistrua në Hamburg të Gjermanisë ku 33 -vjeçari, Dritan Lalaj, me origjinë nga Frakulla e Fierit, u gjet i pajetë në datën 1 nëntor, 2024.
Ndërkohë sot ka mbërritur në Frakull të Vogël nga Hamburgu, trupi i pajetë i 33- vjecarit. Falë kontributit të shqiptarëve të Gjermanisë dhe banorëve të fshatit, u bë kthimi i trupit u pranë babait të tij, i cili apeloi dëshpërimisht në media të shihte trupin e djalit të vetëm për herë të fundit dhe për ta përcjellë me të gjitha nderimet për në banesën e fundit.
Sipas ekspertizës mjeko- ligjore gjermane i riu i ka dhënë fund jetës i vetëvarur në banesë ndërsa më herët kish tentuar vetëvrasjen me thikë.
Shkak që ka çuar 33 vjeçarin të ndërmarr këtë akt, sipas familjes ka qenë moskorrektësia e pagesës nga ana e pronarit, ku ai punonte.
Sipas burimeve të Report Tv, i riu i kishte shkruar një letër kushëririt të tij dy javë më parë ku i bënte të ditur se do të largohej nga kjo botë.
