Një 34 vjeçare me banim në Greqi, ka denoncuar në policinë e ishullit ‘Kos’, dhunën e ushtruar nga ish-bashkëshorti shqiptar. Sipas denoncimit të bërë i cili është dorëzuar të shtunën e kaluar, shqiptari 44 vjeçar është afruar me makinë drejt ish gruas së tij teksa kjo e fundit po ecte me miqtë e saj dhe më pas i ka nxjerrë armën duke e kërcënuar.
Në të njëjtën pasdite, 44 vjeçari shqiptar, u arrestua dhe dorëzoi edhe pistoletën e tij së bashku me një kuti ku mbante fishekët.
Shqiptari ka mohuar akuzat e ngritura dhe ka bërë një denoncim për kallëzim të rremë ndaj ish-bashkëshortes. Ndaj tij është ngritur akuzë për armëmbajtje pa leje, kanosje dhe shantazh përmes videove pornografike.
Komento
