400 milionë lekë të tjera shtesë do të jepen nga buxheti i shtetit për fermerët që kanë aplikuar përmes Skemës Kombëtare. Lajmin e dha kryeministri Rama nëpërmjet një shënimi në faqen zyrtare në rrjetet sociale. Ndërkohë kryeministri tha se do të bëhet vaksinimi falas për sëmundjen e brucelozës, ç'ka do të sjellë edhe punësimin e 400 veterinerëve.
"LAJME TË MIRA PËR FERMERËT
+ 400 milionë lekë shtesë nga buxheti i shtetit subvencione për fermerët që kanë aplikuar për fondet e Skemës Kombëtare.
95% e aplikantëve në https://e-albania.al/ do të marrin subvencionin.
Vaksinim falas të bagëtive për sëmundjen e brucelozës.
400 veterinerë të rinj do të punësohen në Shërbimin Veterinar, pjesë e riorganizimit të ri në këtë shërbim të rëndësishëm lidhur me sigurinë ushqimore,"-shkruan Rama.
