Një trup i dekompozuar është gjetur mbrëmjen e djeshme në lagjen Nr.1 të qytetit të Pogradecit. Trupi i gjetur në kabinën e dushit i përkiste një gruaje, të identifikuar si B.B., 40 vjeç, e cila jetonte e vetme.
Sipas ekspertizës paraprake mjeko-ligjore, 40 vjeçarja dyshohet se ka vdekur për shkak të kontaktit me rrymën elektrike pasi edhe automati i banesës është gjetur i ulur.
Njoftimi i plotë:
Pogradec
Informacion paraprak.
Më datë 14.07.2018, rreth orës 22:10, në lagjen nr 1, në banesën e saj ku jetonte e vetme, në kabinën e dushit, u gjet i dekompozuar trupi i shtetases B.B, rreth 40 vjeçe.
Nga të dhënat e para, rezulton se dera e banesës, ka qenë e mbyllur me kyç nga brenda dhe automati është gjetur i ulur.
Nga ekspertiza paraprake mjeko-ligjore, dyshohet se vdekja mund të jetë shkaktuar, si pasojë e kontaktit të viktimës me rrymën elektrike gjatë bërjes së dushit.
Grupi hetimor po punon për të zbardhur rrethanat e ngjarjes.