ELBASAN- Gjykata e Elbasanit ka lënë në burg 6 të arrestuarit e operacionit “Kështjella” që u kapën me 4.2 kg heroinë dhe 1 kg kanabis. Kështu do të qëndrojnë në burg Gëzim Balla, shoferi i furgonit ku ishte fshehur droga, Gazmir Harremi furnizuesi, Haziz Musan, Xhulio Musan, Danjel Xhelilaj dhe Endri Karaj. Për këta të fundit, nuk dihet roli i tyre në këtë grup kriminal.
Tre ditë më parë policia sekuestroi në një furgon që transportonte dru, 8 pako me heroinë me peshë totale 4.2 kg dhe një sasi prej 1 kg kanabis.
Lënda narkotike dyshohet se vinte nga Turqia dhe destinacion final kishte Greqinë, ndërkohë që operacioni vijon edhe në qytete të tjera për arrestimin e personave të tjerë që mund të jenë të përfshirë.
Furgoni në të cilin ishte fshehur droga
Komento
