Në 7 muajt e parë të këtij viti ish pronarët janë kompensuar me tokë dhe para.
Ministri i Drejtësisë, Ulsi Manja informon se nga janari deri në korrik të këtij viti, janë finalizuar kompensimet për 5,846 dosje.
Ish-pronarët e këtyre rasteve kanë përfituar në total 4.2 miliardë lekë, ndërsa totali i tokës së shpërndarë për ta është 75.65 hektarë.
Informacioni i dhënë nuk tregon numrin e saktë të përfituesve, por thuhet se janë mijëra qytetarë që më në fund janë kompensuar për pasuritë private që u sekuestruan nga komunizmi.
“Ministria e Drejtësisë mbetet e angazhuar për mbrojtjen e të drejtave të pronarëve dhe forcimin e shtetit të së drejtës!”-tha Ulsi Manja.
Komento
Komente
