Një grup shqiptarësh që merrej me shpërndarjen e kokainës në një lagje të Hamburgut, është goditur nga policia gjermane. Gjatë një operacionit special, oficerët gjermanë kanë zhvilluar kontrolle në një restorant të zonës ku dyshohej se ushtrohej aktiviteti i paligjshëm i shpërndarjes së lëndëve narkotike.
Rreth orës 20:00 të ditës së djeshme, makinat e policisë ndaluan para restorantit ‘Knallermann’ ku u arrestuan 10 shqiptarë, dy prej të cilëve pa dokumenta lejeqëndrimi. Mësohet se një gram e lëndës narkotike ‘kokainë’ shitej me 50 euro për një gram. Nga kontrollet e ushtruara, u sekuestruan 45 gramë kokainë dhe një automjet që u përkiste personave të arrestuar.
Komento
