Qyteti i Nju Jorkut mbylli plazhin e tij popullor Rockaway të martën pasi një grua 50-vjeçare u kafshua nga një peshkaqen të hënën në mbrëmje, thanë zyrtarët.
Gruaja ishte duke notuar pranë Beach 59th Street, rreth orës 17:50, kur një peshkaqen e kafshoi në këmbë, thanë zyrtarët e New York City Parks, raportojnë mediat e huaja.
Rojet e shpëtimit i dhanë ndihmën e parë para se të dërgohej në spital, ku raportohet se është në gjendje kritike, por të qëndrueshme, me një prerje të thellë në kofshë.
Incidenti shënon kafshimin e parë të konfirmuar të peshkaqenit në plazhin Rockaway, tha Departamenti i Parqeve.
“Ne shpresojmë për një shërim të plotë. Megjithëse kjo ishte një ngjarje e frikshme, ne duam t’u kujtojmë njujorkezëve se kafshimet e peshkaqenëve në Rockaway janë jashtëzakonisht të rralla”, tha Departamenti i Parqeve në një deklaratë.
Rojet e shpëtimit pastruan plazhin pas sulmit ndërsa policia me një helikopter kërkonte pa sukses për peshkaqenin, tha departamenti.
Ata shtuan se autoritetet do të vazhdojnë të monitorojnë zonën për peshkaqenë të cilët janë shumë të rrallë. Sipas Dosjes Ndërkombëtare të Sulmit të Peshkaqenëve, shteti i Nju Jorkut kishte vetëm 8 kafshime në vitin 2022 dhe asnjë nuk rezultoi fatal.
Foto nga vendi i ngjarjes
