556 vjetori i vdekjes së Heroit Kombëtar, Hasani në Shkup me krerët politikë shqiptarë: ‘Bashkimi bën fuqinë’, porosia e madhe e Skënderbeut

17 Janar, 16:59| Përditesimi: 17 Janar, 17:05

  • Share

1705507498_iglihasani.PNG

Ministri i Jashtëm, Igli Hasani në përvjetorin e 556-të të vdekjes së heroit tonë kombëtar Gjergj Kastrioti Skënderbeu, mori pjesë në homazhet që u mbajtën në Shup të Maqedonisë së Veriut.

Të pranishëm krah tij ishin disa prej figurave kryesore politike të shqiptarëve në vendin fqinj, ndërsa Hasani ka publikuar pamjet në rrjeton social ‘X’.

“Vizita në Shkup përkon me 556 vjetorin e vdekjes së Heroit tonë Kombëtar, mbrojtësit të vlerave evropiane, Gjergj Kastrioti Skënderbeu.

Bashkë me Ali Ahmetin, Talat Xhaferrin, Bujar Osmanin, Artan Grubin e qindra qytetarë shqiptarë të Maqedonisë së Veriut iu  përulëm me respekt  figurës së njeriut që fitoi vlerësimin dhe respektin e ndërkombëtarëve.

“Bashkimi bën fuqinë”, nuk është vetëm porosia e madhe e Skënderbeut por kryefjala e përpjekjes së përditshme të shqiptarëve në çdo trevë”- shkruan Hasani.

 


Lajmi kryesor:

Sot 556 vite nga vdekja e Heroit tonë Kombëtar, Gjergj Kastrioti Skënderbeu
B.V/ReportTv.al
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?