Prej 6 ditësh Greqia po lufton me zjarret më të ashpra në historinë e vendit, të cilat i kanë marrë jetën të paktën dy personave dhe mijëra të tjerë janë detyruar të evakuohen.
Ndër zonat më të goditura vazhdon të mbetet ishulli i Evia.
Më shumë se 2,000 njerëz tashmë janë evakuuar, shumicë e tyre me traget, duke bërë që ata të lënë çdo gjë pas. Njëjtë si ky çift Georgios Liakos 89 vjeç dhe gruaja e tij Parisso Liakos 87 vjeç, të cilët arritën të marrin me vete vetëm qenin e tyre Bella.
Zjarri mund të arrinte nga minuti në minutë në oborrin e shtëpisë së tyre. Por ato i morën dhe u drejtuan për në Pefki, ku ndodhej trageti i mbushur me njerëz në rast se jepej urdhri i evakuimit. Foto e tyre tregon gjithë dramën që mijëra grek po përjetojnë ditët e fundit në pjesë të ndryshe të Greqisë.
Greqia po përjeton valën e saj më të rëndë të të nxehtit në 30 vitet e fundit, në të cilën temperaturat kanë arritur në 45 gradë Celsius (113F).
Valët e nxehtësisë si kjo po bëhen më të mundshme dhe më ekstreme për shkak të ndryshimeve klimatike.
