Bayern Munich fitoi 4-2 me Borussia Dortmund për javën e 26-të në Bundesligën gjermane të futbollit. Trajneri i ri, Thomas Tuchel debuton me tri pikë në stolin e bavarezëve, teksa mposht ish-ekipin e tij, Dortmundin. Klasikja e futbollit gjerman prodhoi gjashtë gola në "Allianz Arena", me tifozët që shijuan spektaklin gjatë 90 minutave.
Sfida u hap në minutën e 13-të, teksa një gafë e portierit mik Kobel bëri që sfera të përfundonte në rrjetë. Në minutat 18 dhe 23 Muller dërgoi shifrat në 3-0 për vendasit, para se Coman në të 51 të shënonte për 4-0. Në minutat 72 dhe 90, Dortmund shkurtoi me Can (penallti) dhe Malen, teksa golat në fund mbetën vetëm në statistika.
Me këtë fitore, Bayern Munich merr kreun e Bundesligës me 55 pikë. Dortmund humbet vendin e parë dhe me 53 pikë qëndron në pozitën e dytë.
