Dy personat e vetëm të arrestuar për trafikun e 613 kg kokainë nga Kolumbia në Shqipëri kërkojnë lirimin nga burgu. Avokatët kanë dorëzuar rekurs në Gjykatën e Lartë për shoferin Armando Pezakun dhe administratorin e kompanisë ‘Arbi Garden’ Donald Lushaj.
Avokatët kërkojnë ndryshim të masës së sigurisë, pra lirimin nga burgu të dy të arrestuarve. Avokatët në rekursin e dorëzuar argumentojnë se nuk ka asnjë provë që dy të arrestuarit janë përfshirë në trafik droge.
Pronari i kompanisë ‘Arbi Garden’ Arbër Çekaj u arrestua sot në Gjermani. Sasia rekord 613 kg kokainë u sekuestrua në Maminas në datë 28 shkurt në një kontenier me banane të ardhur nga Kolumbia.
Policia shqiptare ka nisur hetimet, dhe pas dy muajsh përveç shoferit dhe administratorit sot u arrestua edhe pronari Çekaj.
Sot ambasadori i SHBA, kërkoi arrestimin e Çekajt dhe vendosjen para drejtësisë, teksa më parë e ka cilësuar si ‘peshk’ të madh të krimit.
Domosdo, droga hypi më kembet e saja në makinë, pastaj ajo vete udhetoi me anije në asgjekund. Pastaj hypi perseri vete në makine që nuk e priste askush. Hahahahahaha! Të arrestohen urgjentisht dhe avokatët!
Përgjigju