Policia e Beratit ka vendosur të surprizojë sot të gjitha drejtueset femra në timon, që qarkullojnë në rrugët e qytetit.
Kanë qenë efektivët e qarkullimit rrugor që pasi i kanë ndaluar me justifikimin për t’u kërkuar dokumentacionin, i kanë dhuruar nga një lule.
Kjo nismë speciale e Policisë së Beratit vijoi për rreth 2 orë duke krijuar edhe një atmosferë të veçantë në qytet.
“Gëzuar 8 Marsin nga Policia Rrugore e Beratit
Me rastin e Ditës Ndërkombëtare të Gruas, punonjësit e Policisë Rrugore në DVP Berat organizuan një aktivitet të veçantë, duke shpërndarë lule në qytet për drejtueset e mjeteve, si një shenjë respekti dhe mirënjohjeje për rolin e tyre të rëndësishëm në shoqëri.
Urime 8 Marsin! Urojmë që kjo ditë të jetë një moment vlerësimi dhe reflektimi për kontributin, forcën dhe rolin e pazëvendësueshëm të grave në familje, shoqëri dhe çdo fushë të jetës”, shkruhet në faqen zyrtare të Policisë së Beratit.
Lajmi kryesor:
Sot 8 Marsi, Dita Ndërkombëtare e Gruas! Uron politika: Jeni forca e vërtetë
Xh.K/ReportTv.al
