Sot është shënuar 80-vjetori i fillimit të Luftës së Dytë Botërore dhe presidenti Meta mori pjesë në Poloni, në vendin ku nisi Lufta e Dyte Botërore. Ai u prit në Varshavë nga presidenti polonez Andrzej Duda, me rastin e një prej tragjedive më të mëdha botërore.
Presidenti Meta shkruan se të gjithë duhet të punojmë për lirinë, në mënyrë që të mos përsëriten më tragjedi të tilla dhe të bëjmë çdo përpjekje për të mbrojtur vlerat e demokracisë dhe lirisë që na bashkojnë me NATO-n dhe Bashkimin Europian.
"Përulje përpara dhjetra milionë viktimave, heronjve e dëshmorëve që humbën jetën në emër të lirisë e dinjitetit njerëzor, pavarësisë e sovranitetit, gjatë tragjedisë më të madhe që ka njohur njerëzimi. Bashkë me shumë krerë shtetesh, shprehëm solidaritetin për forcimin e paqes dhe ndërtimit të një botë më të mirë, që në themel duhet të ketë lirinë, respektimin e të drejtave të njeriut dhe besimin e ndërsjellë.", shkruan Meta në profilin e tij.
Ai shton se Shqipëria ishte viktima e parë në Europë e “kësaj murtaje të njerëzimit” dhe ndjehet krenar për kontributin dhe qëndresën heroike të popullit tonë në luftën ndaj nazi-fashizmit.
Presidenti Meta në Varshavë
Komente
kjo bjondja ashte zonja e pare ?
Përgjigjuca keni cua kyt barbun atje vec popullin Shqiptare nuk perfajson ky kriminel
PërgjigjuE njeta gja ashte edhe sote vetum ska lufte. Sote me ka marr pa lufte po te fute ne borgje dhe nen urdhnate e gjermanis jena sote.
Përgjigju