Në kërkim të dëshpëruar për një mbështetje ndërkombëtare që i mungon, Partia Demokratike, e rikthyer nën kontrollin e Sali Berishës, kërkon aleatë kudo, pa skrupuj. Sot, portali Syri, i kontrolluar nga familja e Berishës, ka ripublikuar me krenari një artikull entuziast mbi Berishën të botuar në faqen gjermane "Die Freie Welt", e cila në Gjermani konsiderohet si një nga zërat publikë të AfD, partisë së ekstremit të djathtë dhe filo-naziste.
Në vitet e fundit, AfD është akuzuar për qëndrime ekstremiste, lidhje me lëvizjet neo-naziste dhe revizionizëm historik. Disa nga degët rajonale të saj, si fraksioni "Der Flügel", janë vendosur nën mbikëqyrjen e Zyrës Federale për Mbrojtjen e Kushtetutës (Verfassungsschutz) për lidhje të dyshuara me qarqe radikale dhe antidemokratike.
Nga pikëpamja e përmbajtjes, freiewelt.net, ashtu si edhe mediat e tjera të së njëjtës rrjet, promovon qëndrime neoliberale, kristiano-konservatore dhe populiste të së djathtës ekstreme. Temat kryesore të saj përfshijnë: levizjen anti-abort, mohimin e ndryshimeve klimatike, maskulinizmin, konceptin tradicional të martesës dhe familjes, kundërshtimin e asaj që quhet "ideologjia gjinore", si dhe martesën e të njëjtit seks. Gjithashtu, portali ka mbështetur fushata si "Asnjë kursim gjerman për bankat e falimentuara të BE-së" dhe "Zonja Merkel, jep dorëheqjen". Sipas një analize të Handelsblatt, kjo faqe pasqyron në mënyrë pothuajse të plotë qëndrimet e AfD, pa hapësirë për pikëpamje kundërshtuese.
Tani, Sali Berisha është krenar që një faqe e njohur për përhapjen e tezave neo-naziste dhe anti-BE ka vendosur ta lavdërojë atë, duke përsëritur të njëjtat pretendime që Berisha ka propaganduar: që ai është viktimë e një komploti të Sorosit që nga shpallja "non grata" nga Departamenti Amerikan i Shtetit për korrupsion dhe që inkriminimi e tij është urdhëruar nga Edi Rama me ndihmën e SPAK. Artikulli madje përfshin një deklaratë të Berishës, një shenjë që tregon se duket qe shkrimi të jetë i koordinuar.
Pavarësisht nëse ky artikull është i sponsorizuar apo jo, ajo që (nuk) përbën më befasi është afërsia ideologjike mes Partisë Demokratike dhe një partie ekstremiste të djathtë dhe filo-naziste si AfD. Një turp për një forcë politike që pretendon të qeverisë një vend si Shqipëria, i cili duhet ta ketë në prioritetin e parë integrimin në Bashkimin Evropian.
Shkrimi i Die Freie Welt i ribotuar sot nga Syri
Komente
Sigurisht se është pro nazizmit Berisha.
Përgjigju