Gjykata e Lezhës ka rivlerësuar masën e dhënë më parë nga Gjykata e Apelit në Shkodër ndaj nën kryetarit të bashkisë Lezhë Enver Hafizi, mbi akuzat për tjetërsimin e pronave në zonën e Ranës së Hedhun në Shëngjin.
Gjykata e Lezhës vendosi ndryshimin e masës së sigurisë për nënkryetarin e Bashkisë Lezhë Enver Hafizi, nga “arrest shtëpie” në "detyrim paraqitje".
Ai do të paraqitet dy herë në muaj në policinë gjyqësore, ndërsa i është bllokuar pasaporta për të mos u larguar jashtë vendit. Nëpërmjet avokatit të tij, Hafizi kishte paraqitur pranë Gjykates së Shkalles së Pare në Lezhë kerkesen për zëvendësim të mases së sigurise të dhënë me herët ndaj tij me arrest shtëpie.
Kërkesa e pales mbrojtëse u pranua edhe nga prokurori i çështjes i cili ishte dakort me zëvendësimin e mases së sigurisë, me argumentin se hetimet ndaj të dyshuarit kanë përfunduar dhe lirimi i tij nuk ndikon në prishjen e provave.
Pas verifimit të pretendimeve të avokatit dhe prokurorit të çështjes gjyqtari Artan Hajredinaj, vendosi ndryshimin e mases së sigurisë për Hafizin, duke shpjeguar se gjykata nuk mund te caktoje një masë më të rendë se ajo e propozuar nga prokurori.
Enver Hafizi së bashku me kreun e bashkisë Lezhë Fran Frrokaj dhe 12 zyrtarë të tjerë u vunë në pranga pas hetimeve, akuzohen se në bashkëpunim me njëri tjetrin duke abuzuar me detyrën kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, tek vendi i quajtur “Rana e Hedhun”.
_001.jpg)
_001.jpg)
_001.jpg)
_001.jpg)
Vendimi i Gjykatës së Lezhës për nënkryetarin e Bashkisë Lezhë, Enver Hafizi
Ujku ujku, po cakallet e cane gardhin dhe iken. Sa me shpejt Vettingu per keta plehra gjyqtare te rretheve.
Përgjigju