GREQI- Autoritetet greke kanë mundur të identifikojnë shqiptarin Spartak Dyrmishi 45-vjeçar i cili përdhunoi dhe ngacmoi seksualisht dy të reja por edhe një sërë vajzash të tjera në Greqi.
Mediat greke bëjnë me dije se ai është arratisur dhe fshihet në Shqipëri në qytetin e Vlorës.
Bëhet fjalë për 45 vjeçar shqiptar Spartak Dyrmishi, i divorcuar, i cili jetonte me nënën e tij. Autori është arratisur në Shqipëri ndërsa pritet të lëshohet një urdhër arresti ndërkombëtar për arrestimin dhe ekstradimin e tij drejt Greqisë.
Hetimet kishin nisur pas përdhunimit në orët e para të së dielës në Paleo Faliro. Një grua 34-vjeçare kishte denoncuar se e kishte përdhunuar në një stacion autobusi. Në të njëjtën zonë, një tjetër grua, 24 vjeçe, u ankua se e kishte sulmuar për ta përdhunuar, ngjarje e ndodhur pak para përdhunimit të 34-vjeçares.
Si mbërriti policia te autori
Materiali nga kamerat e sigurisë së dyqaneve në zonën e gjerë të Palei Faliros është “skanuar” nga oficerët e sigurisë për të hartuar rrugën e ndjekur nga përdhunuesi i rrezikshëm.
Në pikën ku u dhunua 34-vjeçarja, në Avenue Poseidonos, qarku i mbyllur i Tramvajit ka regjistruar sulmin.
Megjithatë, kamera e një kafeneje në Amfitea Avenue ka regjistruar përdhunuesin me tatuazhin teksa tentoi të përdhunonte një grua tjetër pak orë para sulmit në Agia Skepi.
Në video-dokument shihet viktima e tij e afërt duke ndaluar në një semafor në Avenue Amfitheas. Përdhunuesi u fut në makinën e saj dhe u përpoq ta çonte atë në një vend të largët. Përdhunuesin me tatuazh e zë paniku nga reagimi i gruas, zbret nga makina dhe nis të vrapojë drejt Avenue Amfiteas ku edhe zhduket.
Siç shihet edhe nga përshkrimet, bëhet fjalë për një “grabitqar” të pamëshirshëm dhe të rrezikshëm, i cili kërkonte viktimat e tij në rrugë. Dhe zgjedhja e pikës specifike për të “goditur” nuk ishte thjesht rastësisht.
Autoritetet greke kanë mundur të zbardhin një seri përdhunimesh të kryera gjatë muajve të fundit në kryeqytetin e vendit Athinë.
Sipas policisë greke, është identifikuar prej kamerave të sigurisë se autori serial i përdhunimeve është një shtetas shqiptar rreth 45 vjeç. Mësohet se ai ka kryer të paktën 3 përdhunime, dhe një seri prej disa tentativash përdhunimi.
Autoritetet thanë se autori i dyshuar është ndarë para pak kohësh nga bashkëshortja. Ai është Spartak Dyrmishi, 45 vjeç dhe banon me të ëmën e tij.
Autori i dyshuar është nga Vlora dhe ka kaluar për në Shqipëri në datën 27 tetor. Agjentë të armatosur kryen kontroll në banesën e tij, por nuk mundën ta gjejnë.
Sipas informacioneve, atë e kanë lokalizuar dhe tani po zhvillohet operacioni për kapjen në Vlorë.
Komente
policia te hapi zjarr ta eleminojn jo arrest zjarr me vdekje
PërgjigjuBse nuk ia nxirrni fotografine ketij krimineli me kaq shume krime? Botojeni fotografine e tij ne menyre te te ruhen e mbrohen femrat ketu ne Shqiperi.
Përgjigju