Burrë e grua janë arrestuar nga policia e Lushnjës pasi kanë kryer veprime me natyrë seksuale ndaj djalit të tyre të mitur të moshës 2-vjeç dhe i kanë publikuar në Tik-Tok. E ëma e djalit 2-vjeçar u ndalua me urdhër të prokurorisë së Fierit për veprat penale “Marrëdhënie seksuale ose homoseksuale me të mitur” dhe “Pornografia”.
Ndërsa i ati shtetasi F.K, u arrestua po me urdhër të prokurorisë Fier për kryerjen e veprës penale “Vepra të turpshme” dhe “Pornografia”.
Njoftimi i prokurorisë:
“Abuzonin me fëmijën e tyre mitur, Prokuroria e Fierit procedon dy prindërit për ‘Pornografi’ dhe “Marrëdhënie seksuale ose homoseksuale me të mitur”
Prokuroria pranë Gjykatës së Shkallës së Parë të Juridiksionit të Përgjithshem, Fier, në bashkëpunim me policinë gjyqësore bënë të mundur dokumentimin ligjor lidhur me ngjarjen e publikuar në aplikacionin “Tik Tok”, ku pas hetimi të bërë ka rezultuar se, se shtetasit S.K. dhe F.K (bashkëshorte), kryenin veprime me natyrë seksuale ndaj djalit të tyre të mitur i moshës 2-vjeç dhe i publikonin në vijim në aplikacionin “Tik Tok”.
Në lidhje me këtë ngjarje, Prokuroria pranë Gjykatës së Shkallës së Parë të Juridiksionit të Përgjithshëm Fier, regjistroi procedimin penal nr.971/2024 dhe me urdhër të prokurorit u ndalua shtetasja S.K, e dyshuar për kryerjen e veprës penale “Marrëdhënie seksuale ose homoseksuale me të mitur” dhe “Pornografia” parashikuar nga neni 100/1 dhe neni 117/2 i K.Penal.
Gjithashtu, u arrestua në flagrancë shtetasi F.K., i dyshuar për kryerjen e veprës penale “Vepra të turpshme” dhe “Pornografia” parashikuar nga neni 108/2 dhe neni 117/3 i K.Penal.
Komente
Të sëmurë mendorë, futini një shiringë në tru.
Përgjigju