Federata Amerikane e Ushqimit dhe Barnave ka dhënë ditën e sotme miratimin e plotë për vaksinën Pfizer/BioNTech kundër Covid-19 për personat mbi 16 vjeç e sipër.
Kjo është vaksina e parë e koronavirusit e miratuar nga FDA dhe pritet të hapë derën për miratimin edhe të vaksinave të tjera.
Vaksina Pfizer/BioNTech është autorizuar për përdorim emergjent në Shtetet e Bashkuara që nga mesi i dhjetorit për personat e moshës 16 vjeç e lart. Në maj, autorizimi u shtri tek ata 12 vjeç e lart.
Nga më shumë se 170 milion të vaksinuar plotësisht kundër COVID-19 në Shtetet e Bashkuara, më shumë se 92 milion kanë marrë vaksinën Pfizer/BioNTech.
Miratimi i plotë mund të ketë më shumë mandate vaksine dhe ndoshta të rrisë kështu numrin e të vaksinuarve.
Komento
