Në kohën kur gjyshërit tanë po qëndrojnë në shtëpi për të shmangur prekjen nga infeksioni COVID-19, me dhjetëra të rinj të Tiranës iu bashkuan nismës “Adopto një gjysh e një gjyshe” për t’i ndihmuar ata me pazare apo me blerjen e medikamenteve.
Kryetari i bashkisë së Tiranës, Erion Veliaj u shprehu mirënjohjen 1 mijë vullnetarëve.
‘Po ti, cilin gjysh/gjyshe do ndihmosh sot? Bravo 1000 vullnetarëve që po ndihmojnë në terren nëpërmjet ‘Adopto një gjyshe!’ Në finale do mbahen mend ata që bëjnë, jo ata që shajnë”, shprehet Veliaj.
Të gjithë pensionistët e kanë të ndaluar të dalin nga shtëpia de në ndihmë të tyre janë vënë të rinjtë vullnetarë deri në reduktimin e masave prej COVID-19.
Të rinjtë komunikojnë përmes telefonit dhe ia dërgojnë të moshuarve në banesë për kërkesat që kanë.
