Afera CEZ-DIA është pjesë një prej skandaleve më të mëdha financiare në historinë e pluralizmit në Shqipëri, atë shitjes së 75% të aksioneve të shoqërisë shtetërore OSSH nga qeveria Berisha tek CEZ të në vitin 2009, favorizimet e njëpasnjëshme të CEZ dhe përzënien e dhunshme të CEZ nga Shqipëria në vitin 2013, lëvizje kjo me prapaskenë elektorale dhe korruptive. Një vit pasi Sali Berisha dhe ministrat e tij firmosën privatizimin OSSH, me një mijë pika të errëta dhe favorizime, në skenë u shfaq biznesmeni Kastriot Ismailaj, i cili krijoi kompaninë Debt International Advisory (DIA), në Ishujt Virgjin Britanikë, në 7 korrik 2010.
Më 4 gusht 2010, DIA regjistroi degën e saj në Tiranë, me administrator Ismailajn. Në shtator 2010, CEZ hyri në partneritet me DIA për të mbledhur faturat e papaguara të energjisë elektrike. Për të fituar kontratën me CEZ, DIA përdori dokumente false. E gjithë kontrata, sipas prokurorëve, bazohej në gënjeshtra, sajesa dhe dokumente false, ndërsa kompania DIA eksitonte vetëm në letra. Sipas ‘kontratës’, CEZ duhet t’i paguante DIA një tarifë fikse 512 mijë euro në muaj, plus edhe tarifën e ‘suksesit’. Ismailaj paraqiste letra false, merrte paratë dhe i zhdukte.
Në dosjen e dënimit të Kastriot Ismailaj me 11 vite burg, dënim i konfirmuar nga të gjitha shkallët e gjykatave, prokuroria ka konstatuar se qëllimi i Kastriot Ismailaj nuk ka qen mbledhja e borxhit të për llogari të CEZ dhe as kryerja e ndonjë pune reale, por vjedhja e parave tё shoqёrinё “CEZ Shpërndarja”, në bashkëpunim me përfaqësues të CEZ. Nga ana tjetër, CEZ ngrite pretendime për njohjen e borxhit të keq tek qeveria Berisha, e cila i pranonte.
“Kastriot Ismailaj, duke përdorur tё dhëna tё rreme dhe dokumente fiktive nё bashkëpunim me shtetasin Josef Hejsek, ka përfituar nё mёnyrё tё kundraligjshme shumën 512 004 420 lekë, duke i shkaktuar pasoja tё rënda për shoqёrinё “CEZ Shpёrndarja”, Paratë e përfituara nёpёrmjet mashtrimit (vjedhjes), i pandehuri Kastriot Ismailaj nuk i ka përdorur me qëllim realizmin e kontratёs, por i ka investuar, i ka transferuar jashtë vendit apo i ka përdorur për qëllime personale”, thuhet në dosje.
Kaq naivë paskërkan qenë përfaqësuesit e CEZ dhe rrethi i Berishës dhe Metës sa t’ua hidhte Kastriot Ismailaj, duke futur në xhep mbi 5 milionë USD?! Edhe pse në fund u dënuar vetëm Kastriot Ismailaj, ka dyshime të forta se Ismailaj ishte thjeshtë dora e politikanëve të lartë të Tiranës, për vjedhjen e parave, në koordinim me vetë CEZ, i cili favorizohej sistematikisht nga qeveria si dhe zhvaste qytetarët me fatura arbitrare.
Janë të pakën disa dëshmi të forta dhe indicie që identifikojnë presidentin Ilir Meta, si njeriun që fshihej pas Kastriot Ismailajt. Ndjekja e çdo fije rrethe aferës CEZ-DIA të çon pikërisht tek Ilir Meta. Duke se kjo është arsyeja se pse Partia Socialiste se ka paralajmëruar një kallëzim të ri në SPAK.
Jozef Hejsek: Ismailajn na e rekomandoi Ilir Meta
Jozef Hejsek, ish-shefi ekzekutiv i CEZ, ka deklaruar se Ilir Meta kishte rekomanduar Kastriot Ismailajn si “njeriun e tij të besuar” për mbledhjen e borxheve të vjetra për llogari të CEZ Shpërndarje. Jozef Hejsek ka dëshmuar se Ismailaj u trajtua si njeriu i qeverisë shqiptare për mbledhjen e borxheve të vjetra, pasi u prezantua si aleati i ngushtë i ministrit të Punëve të Jashtme në atë kohë, Ilir Meta dhe i ish-kryeministrit Sali Berisha nga ambasadori shqiptar i asaj kohë në Pragë, Qazim Tepshi. Jozef Hejsek ë bëri këtë dëshmi më 26 tetor 2014 në Pragë për llogari të avokatëve të studios ligjore të OSHEE-së, Clifford Chance, në kuadër procesit të arbitrazhit që po zhvillohej në gjykatën e Vjenës, ku kompania e Kastriot Ismailajt, Debt International Advisory, kërkonte 130 milionë euro dëmshpërblim për prishjen e kontratës nga OSHEE, pas largimit të CEZ. Hapja e procesit penal në Tiranë detyroi Kastriot Ismailajn që të tërhiqej nga arbitrazhi.
Dritan Prifti: Meta udhëtoi në Çeki për kontratën CEZ-DIA
Dritan Prifti, një nga njerëzit më të afërt të Ilir Meta, më pas armiku i tij më i përbetuar, ka rrëfyer se Meta ka udhëtuar pati udhëtuar në Çeki për të negociuar kontratën për Kastriot Ismailajn, të cilin e konsideronte si një person me dosje. “Ideja ishte që CEZ kishte 200 milionë euro borxhe të pa mbledhura dhe, nëse ai i mblidhte ato, merrte gjysmën”, tha Prifti. Ish ministri i Energjetikës e bëri këtë deklaratë 4 vite para se të plase skandali. Në vitin 2015, Prifti ka dhënë edhe një dëshmi në prokurori për lidhjet e Metës me Kastriot Ismailajn. Prifti tha se kanë marrë para nga Kastriot Ismailaj edhe 5 deputetë të LSI-së. “Nga llogaria e DIA-s kanë shkuar para drejtpërdrejt për persona që sot janë deputetë të LSI-së. Një prej tyre është deputeti i Shkodrës Agron Çela. Nga DIA kanë shkuar para për kompaninë e Agron Çelës që sot është deputet i LSI-së, për arsye se do të bliheshin ca makina, ca motora që nuk u blenë kurrë, por para që kuptohet janë përdorur pastaj për fushatën zgjedhore të vitit 2011-të”, tha Prifti.
Gruaja e Ismailajt: Meta vinte në shtëpinë tonë
Gruaja e Kastriot Ismailajt, Vojsava, ka rrëfyer lidhjet e forta mes Ilir Metës dhe bashkëshortit të saj. Ajo ka treguar për vizitat familje dhe SMS-të që Meta i nisi Kastriot Ismailajt. “Ilir Meta dhe bashkëshortja e tij, Monika, shpesh herë vinin në shtëpinë tonë....Mjafton që të shohësh SMS-të që Ilir Meta i dërgonte Kastriotit në vitet 2010, 2011 dhe e kupton lehtësisht këtë. Kastrioti ka qenë gjithashtu shpesh nën presion për të dhënë para nga bizneset e tij, për të ushqyer fushatat elektorale”, tha ajo. Pas këtyre deklaratave, Vojsava nuk pranoi të shprehj më për media, pasi kishte marrë kërcënime serioze.
Berisha: Prokuroria të marrë nën hetim Metën
Në shtator të vitit 2015, Sali Berisha deklaronte në Parlament se Ilir Meta nuk kishte pasur asnjë tagër për të negociuar kontratën CEZ-DIA në Pragë. Duke besuar dëshminë e Jozef Hejsek, Berisha i bëri thirrje Prokurorisë që të merrte menjëherë nën hetim Metën, i cili i ka mohuar gjithnjë akuzat. “Një dëshmi tjetër vjen nga ish administratori i CEZ se Ilir Meta si Ministër i Jashtëm e ka takuar në Pragë dhe ka negociuar me Hajsek për Kastriot Ismailajn, duke shfrytëzuar kështu postin zyrtar dhe mashtruar për interesin e xhepit të tij. Deklaroj këtu me përgjegjësi të plotë se Ilir Meta si Ministër i Jashtëm nuk ka pasur tagër për të negociuar me CEZ për asnjë lloj problemi. I bëj thirrje Prokurorit të Përgjithshëm të nise hetimin e menjëhershëm për Ilir Metën për këtë aferë korrupsioni ndërkombëtar. Ju bëj thirrje qytetarëve shqiptarë të mos pajtohen kurrë me qëndrimin e oligarkëve Rama-Meta që duan me imunitet të bllokojnë drejtësinë”, tha Berisha.
Meta mesazh Ismailaj: Dua urgjent 200...
Në qershor të 2019, Shqiptarja.com publikoi një investigim, ku Ilir Meta, një ditë para zgjedhjeve te 2009, i kërkon me urgjencë Kastriot Ismailaj një shumë prej 200 mijë euro.
Një ditë para zgjedhjeve parlamentare në 22 qershor 2009, Meta i thotë Kastriotit në orën 17:57 me një SMS me tekst: “Nesër në darkë duhet të takohemi patjetër. Më duhen 200 mijë patjetër. Mos harro”. Mesazhi doli në pah nga një dosje e prokurorisë për krimet zgjedhore, gjatë përgjimeve, ku doli në skenë Kastriot Ismailaj. Mesazhi, i cili vijon të mos i bëjë përshtypje SPAK-ut, konfirmonte edhe një herë se Kastriot Ismailajt ishte thjeshtë maska e Metës në afër CEZ-DIA.
Komente
ku eshte ai spaku a po keta jane te paprekshem yyy ju djefja mu ne dretesin
PërgjigjuE pabesueshme! Madje e temerrshme! U be me shume se ne dekade nga fakti me lart dhe serish te njejtet vazhdojne me propogande. E mori vesh populli dhe gjithe dynjaja dhe eshte prokuroria ajo qe duhet te hetoje dhe coje pergjegjesit para ligjit. Por ky nuk eshte problemi. Por fakti qe kjo media dje te tjera ver e hiq nje pllake: Sala dhe Partizani! Nderkohe miliona m2 zhvaten nga prona publike dhe jo ne favor te atyre qe duhet te kompesohen. Jo! Por te zhvatesve neokomuniste te kryedallkaukut Rama!!! Cpaskan qene mote kaq te pamoralshem, pameshirshem. Ne kohe termeti, kovidi dhe sot lufte vete vidh dhe zhvat. Turp!
PërgjigjuPerse i lodhni njerezit kot duke ju dhene shpresa te vdekura se banditi Ilit Meta dhe gruaja e tij monster Monika Kryemadhi do te japin llogari para drejtesise. Kur Saliu e sulmoi mender Meten dhe kerkoi hetim, grupi parlamentar i PS me Damian Damllane e mbrojten me shume se vete LSI. Mender Meta i permendi Shkelzenin Sali Qametit dhe ai u zbyth. Pergjimet me Kastriot Ismailajn jane asgjesuar me vendim gjykate sipas kerkeses se prokurorise allla Llalla. Nje kopje te atij pergjimi e publikoi Dritan Hoxha por me sa duket nuk ka vlere ligjore. Sot nje i penduar i drejtesise con mbas hekurave me burgim te rende shume horra. SPAK e ka mundesine te mbertheje Meten, Monen dhe Shkelzenin, por ky SPAK i legenosur nuk vepron dot ndaj Fatmir Mediut te gerdecit dhe Alqi Blllakos te iceneratoreve. Keni degjuar gje te kerkojne heqjen e imunitetit per keta te fundit? Jo, sepse ne mes qendron pazarexhiu Rama. Kjo eshte situata, kurre keta horra nuk fo shkojne perpara drejtesise.
Përgjigju