Seanca e parë në GJKKO për aferën ‘Partizani’ është shtyrë ditën e sotme. Lidhur me këtë avokati Edmond Petraj, i ftuar ditën e sotme në emisionin ‘Studio Live’, në Report Tv me gazetarin Arbër Hitaj tha se kjo çështje do të marr kohë të gjatë.
Sipas tij, Berisha shpallet fajtor rrezikon deri në 10 vite burg.
‘Kjo është çështje që do të shkojë gjatë. Mesatarja që unë mendoj është mund të shkoj edhe deri në 2 vite, sepse do të jetë një proces maratonë dhe do të flasin shumë dëshmitarë. Do të ketë një maratonë diskutimesh dhe replikash në sallën e gjyqit. Nëse Berisha do të kishte një shpresë për të mos u dënuar më parë, tani e ka 50 për qind që të mund të dënohet. Nëse gjendet fajtor minimalja e Berishës është 8 deri në 10 vite, nëse prokurori vjen me një bashkim dënimesh duke menduar se mund të kemi një vlerësim të mjaftueshëm duke parë edhe moshën e tij’, tha ai.
Ndërkohë, Petraj tha se situata është ndryshe për dhëndrin e tij Jamarbër Malltezi. Sipas tij, Malltezi akuzohet për pastrim parash dhe është një vepër penale e cila dënimin e ka deri në 15 vite burg.
‘Për Malltezin situata do të jetë më komplekse sepse ka pjesën e pastrimit të parave, nuk dihet deri ku ka arritur ajo dosje, por që pjesa e pastrimit të parave është një element që SPAK duhet që të jetë e përgatitur mirë sa i përket kësaj akuze që ka ngritur ndaj tij, nuk e di nëse ka bërë analizën financiare dhe mbledhjen e informacioneve nga bankat. Për pjesën e pastrimit të parave dënimi është deri në 15 vite. Nëse vërtetohet që vkm-ja për privatizimin është e jashtëligjshme i bie që të fillojë pjesa e shfuqizimit të saj. Në çështjen Partizani SPAK nuk kërkon shfuqizimin, por e përdor atë si prove për të thënë se është përdoru për qëllime korruptive’, tha ai.
Lidhur me nisjen e hetimit të SPAK për lobimin e PD në SHBA, ai tha se nëse ka shkelje për palët do të kenë të njëjtin fat si Ilir Meta me kontratën e lobimit të LSI në atë kohë.
‘Kontratat deklarohen 60 ditë pas certifikimit të zgjedhjeve dhe në këtë rast ngelet për tu parë nëse ka nisur procedimi penal dhe është regjistruar. Noka është ai që e ka firmosur në emër të koalicionit të Shqipërisë Madhështore, por nëse do të ndiqet kjo pjesë hap pas hapi mund të kemi edhe surprizë që kompania të tërhiqet nga kontrata dhe ajo ngelet nul. Por për palët do të jetë i njëjti fat si i zotit Meta që akuzohet për lobimin që ka bërë LSI në atë kohë me SHBA. Po në këtë rast ne kemi një shifër të madhe. Por ne kemi dy kontrata të PD sepse është edhe kontrata me Chris La Civita. Kur të deklarohen kontratat fillon analiza financiare’, tha ai.
Komente
Komunistat te denojne siç duan dhe kur duan, vaj halli per popullin kur tu bjere ndonje hall me drejtesine
Përgjigju