11 persona kanë humbur jetën në një aksident ajror pasi një aeroplan i vogël u rrëzua gjatë një operacioni në brigjet veriore të Oahu, në Hawaii.
“Aeroplani u rrëzua në mbrëmje pranë portit të Dillingham dhe nuk kishte asnjë të mbijetuar”, tha një zëdhënës i Departamentit të Transportit në Hawaii.
“Pas mbërritjes së ekuipazhit të shpëtimit aeroplani ishte plotësisht i rrethuar nga flakët. Në 40 vitet e mia si një zjarrfikës këtu në Hawaii, ky është incidenti më tragjik i avionit që kemi pasur", tha zëdhënësi i forcave zjarrfikëse të Honolulu, Manuel Neves.
Z. Neves tha se shumë detaje ende nuk dihen për fluturimin. Dëshmitarët raportuan se avioni po kthehej në aeroport kur ndodhi përplasja, por kjo ende nuk është konfirmuar.
Komento
Komente
