Një aksident i dyfishtë është shënuar mëngjesin e sotëm në aksin rrugor Lushnjë - Berat pranë fshatit Kashtëbardhë.
Dy makina njëra tip ‘Skoda dhe tjera ‘Audi’ janë përplasur teksa po udhëtonin në kah të njëjtë.
Si pasojë e përplasjes së fortë të plagosur kanë mbetur çifti i bashkëshortëve që po udhëtonin me 'Audi' dhe drejtuesi i makinës tjetër.
Të lënduarit janë transportuar në spitalin e Lushnjës, fatmirësisht jashtë rrezikut për jetën.
Paraprakisht dyshohet se shkak i aksidentit ka qenë një parakalim i gabuar.
"Rreth orës 09:30, në vendin e quajtur "Kashtëbardhë", automjeti me drejtues shtetasin E. F., 38 vjeç, është përplasur me automjetin me drejtues shtetasin B. K., 52 vjeç. Si pasojë e përplasjes janë dëmtuar dëmtuar dy drejtuesit, dhe pasagjerja A. K., të cilët ndodhen në spital, në kujdesin e mjekëve, jashtë rrezikut për jetën", njoftoi sot policia.
Grupi hetimor po punon për sqarimin e plotë të rrethanave dhe shkakut të aksidentit.
Komente
