Një ish-futbolliste ka vdekur së bashku me anëtarët e familjes së saj pas një aksidenti ajror në Nju Jork.
Mitsubishi MU-2B me dy motorë u rrëzua pak pas mesditës të së shtunës në një fushë me baltë në Copake, pranë kufirit të Massachusetts, duke vrarë të gjashtë personat në bord.
Karenna Groff, ishte një ish-futbolliste e MIT (Instituti i Teknologjisë në Masachusetts), e cila u emërua gruaja e vitit NCAA (Shoqata Kombëtare e Atletikës Kolegjiale) 2022, sipas Sky News.
Babai i saj neuroshkencëtar, Dr Michael Groff, nëna e saj, Dr Joy Saini, një urogjinekologe, dhe vëllai i saj, Jared Groff, ndërruan jetë gjithashtu.
Ndërkohë i dashuri i Karenna Groff, James Santoro dhe partnerja e Jared Groff, Alexia Couyutas Duarte, ishin viktima të aksidentit.
Ata hipën në avionin privat të Michael Groff-it në aeroportin e Westchester County në White Plains të shtunën në mëngjes për të fluturuar në aeroportin e Columbia County.
Por avioni u rrëzua rreth 10 milje në jug, tha zyrtari i Bordit Kombëtar të Sigurisë së Transportit (NTSB), Todd Inman.
Pak para se avioni të rrëzohej, piloti kishte transmetuar me radio kontrollin e trafikut ajror në aeroportin e Columbia County për të thënë se kishte humbur afrimin fillestar dhe kishte kërkuar një plan të ri afrimi, tha ai.
Hetuesit morën video të sekondave të fundit të fluturimit, e cila “duket se tregon se avioni ishte i paprekur dhe u rrëzua me një shpejtësi të lartë zbritjeje në tokë,” shtoi ai.
Një raport i plotë aksidenti mund të zgjasë nga 12 deri në 24 muaj për t’u përfunduar.
Kjo vjen disa ditë pasi një familje prej pesë turistësh spanjollë, përfshirë tre fëmijë, u vranë pas përplasjes së helikopterit në lumin Hudson të enjten.
Komente
