DIBËR- Dy vëllezër, Kujtim dhe Murat Istrefi, përkatësisht 57 dhe 76 vjeç, si dhe bashkëshortja e njërit prej viktimave (Kujtimit) Lulzime Istrefi, 46 vjeçe, nga Maqellara, kanë ndërruar jetë nga një aksident tragjik që ndodhi mbrëmjen e sotme në aksin Bulqizë-Maqellare në vendin e quajtur Fushë-Gjoricë, ndërsa 4 të tjerë mbetën të plagosur.
Dy vëllezërit gjetën vdekjen në vend, ndërsa Lulzimja vdiq rrugës për në spitalin e Bulqizës. Ndërkohë të plagosur kanë mbetur Mërgim Lazri 25 vjeç, Edison Lazri 28 vjeç, Kadrie Markeçi dhe Firuze Istrefi 56 vjeç. Mërigim dhe Edison Lazri janë nisur për trajtim më të specializuar drejt spitalit të Traumës, pasi kanë fraktura të shumta, ndësa në spitalin Rajonal të Peshkopisë po trajtohen Kadrie Markeçi dhe Firuze Istrefi 56 vjeçe, kunata e viktimave e cila udhëtonte me mjetin Mercedez 240.
Mjeti tip Mercedes Benz 240 ku udhëtonin Kujtim dhe Murat Istrefi, bashkë me Lulzime dhe Firuze Istrefin, ka dalë nga një rrugë dytësore duke dalë nga fshati Gjoricë, ku kishin qenë për vizitë dhe në momentin që kanë dalë në rrugën nacionale i kanë prerë rrugën mjetit tip MercedezBenz me targa angleze. Nga pamjet e siguruara nga gazetari i Report Tv Mahir Jangulli nga vendi i ngjarjes, shihet se makinat janë shkatërruar krejtësisht. Si pasojë e shpejtësisë përplasja ka qenë shumë e fuqishme dhe mjeti ku udhëtonin viktimat është ndarë në 2 pjesë.
Rruga ku ka ndodhur aksidenti është problematike pasi nuk ka asnjë kufizim të shpejtësisë, ka mungesë sinjalistike si dhe mungesë ndriçimi, kjo edhe për faktin se është një segment që është në ndërtim. Në natën e ndërrimit të viteve, po në aksin Bulqizë-Maqellare, shumë pranë vendit ku ndodhi aksidenti tragjik mbrëmjen e sotme, ndërroi jetë edhe 24-vjeçari Yllson Tasha.
Viktimat:
1. Kujtim Istrefi ( Dehari ) – 57 vjeç (Maqellarë – Dibër)
2. Murat Istrefi (Dehari) – 76 vjeç (Maqellarë – Dibër)
3. Lulëzime Istrefi (Dehari) – 45 vjeç (Maqellarë – Dibër)
Të plagosur:
1. Mërgim Lazri – 25 vjeç (Bllatë e Epërme – Dibër)
2. Edison Lazri – 28 vjeç (Bllatë e Epërme – Dibër)
3. Firuze Istrefi – 56 vjeç (Maqellarë – Dibër)
4. Kadrie Markeçi – 19 vjeç (Shupenzë -Dibër
Report Tv ka siguruar pamje nga aksidenti i rëndë që ndodhi mbrëmjen e sotme në Rrugën e Arbrit në aksin Bulqizë-Maqellarë, ku humbën jetën 3 persona dhe 4 të tjerë mbetën të plagosur. Përplasja ka qenë shumë e fortë, ndërsa ‘Benzi 240’ është ndarë më dysh. Nga aksidenti ndërruan jetë dy vëllezërit Murat dhe Kujtim Istrefi si dhe bashkëshortja e këtij të fundit Lulzime Istrefi, e cila vdiq rrugës për në spital.
Report Tv ka zbardhur identitetin e 4 personave që kanë mbetur të plagosur nga aksidenti tragjik në aksin Bulqizë-Maqellarë, kur ndërruan jetë 3 persona. Të plagosur kanë mbetur Mërgim Lazri 25 vjeç, Edison Lazri 20 vjeç, Kadrie Markeçi dhe Firuze Istrefi 56 vjeç, të cilët janë dërguar në spitalin e Bulqizës dhe po marrin ndihmën mjekësore.
Deputeti demokrat Kreshnik Çollaku ka reaguar për aksidentin tragjik me 3 viktima në Rrugën e Arbrit. Çollaku shkruan se ky është një aksident i paraljmëruar dhe i ka kërkuar herë pas here zv.kryeministres dhe drejtueses së PS në Qarkun Dibër, Belinda Ballukut që të marrë masa për këtë aks pasi është ende i pambaruar.
"Aksidentet në “Rrugën e Arbrit”, një tragjedi e paralajmëruar. I kam kërkuar në mënyrë të vazhdueshme zv.kryeministres dhe drejtueses së PS në Qarkun Dibër, përtej çdo interesi politik apo partiak, të shtohen në mënyrë urgjente investimet në qarkun e Dibrës e sidomos në “Rrugën e Arbrit”. Një rrugë të pambaruar, pa ndriçim e parametra të tjera sigurie edhe sikur çdo kilometër të vendosen patrulla policore nuk e zgjidhin dot situatën e sigurisë rrugore.
Shumë mirë që shtrohen kalldrëmet e Beratit, të Përmetit, shumë mirë që hapen rrugë nga Tepelena për bregdet. Shumë mirë që nga Llogaraja kalohet me tunel në jug të bregut, por dhe në Qark të Dibrës ,Kukësit e në Veri të vendit jetojnë njerëz, duhen rrugë, ndriçim.
Duhen investime shtetërore në këto zona. Në seancën e fundit të parlamentit e paralajmërova zv kryeministren për këtë situatë të rrezikshme në Rrugën e Arbrit. Mjerisht këto ngjarje më dhanë të drejtë. Serish rrezik i shtuar në këto akse rrugore do të jenë ngricat që duket janë në derë. Veriu i vendit ka nevojë për investime strategjike dhe energjike. Kjo është një kërkesë që tejkalon interesat tona politike apo partiake. Kjo ka lidhje me përgjegjësinë njerëzore dhe shtetërore", shkruan Çollaku.
Një aksident i rëndë ka ndodhur pasditen e sotme në rrugën e Arbrit në vendin e quajtur Fushë-Gjoricë, me 3 të vdekur. Burime për Report Tv bëjnë me dije se 3 viktimat janë me të njëjtin mbiemër, konkretisht kanë humbur jetën Kujtim Istrefi, Murat Istrefi dhe Lulzime Istrefi.
Policia ka dhënë detaje nga aksidenti i rëndë në Bulqizë me 3 viktima.
“Rreth orës 18:15, në aksin rrugor Fushë Bulqizë-Shupenzë, në vendin e quajtur 'Ura e Gjoricës', janë përfshirë në një aksident rrugor 2 automjete dhe për pasojë kanë humbur jetën në vendngjarje shtetasit K.I., dhe M.I. si dhe ka humbur jetën në spital shtetasja L.I. Gjithashtu janë transportuar për ndihmë mjekësore në spital shtetaset F.I., K.M., dhe shtetasit M.L., E.L., pasagjer në automjete. Grupi hetimor ndodhet në vendin e ngjarjes po punon zbardhjen e shkaqeve të aksidentit.
Ka shkuar në tre numri të vdekurve nga aksidenti në Rrugën e Arbrit mbrëmjen e sotme. Nje grua ka nderruar jete rruges per spital Peshkopi.
Komente
Si nuk paskan te bekan rruget dhe ndriçimi sepse makinat qenkan perplasur koke me koke ! Ne cilen autostrade makinat paskan mundesi te perplasen koke me koke perveçse ne Shqiperi ?! Ne cilin vend autostrdat jane pa ndarese ne mes si ne Shqiperi? A do ishin perplasur makinat koke me koke ne rast se do ishin ndareset ? Ngushellime te afermeve dhe sherim te shpejte te plagosurve.
PërgjigjuPo shuhen shqipet or teeeejjjjj
PërgjigjuO COLLOKAKU O IDJOT NEPER AUTOSTDRA QE JAN MESATARE NUK KA NEVOJ PER SHUM DRITA TE MEDHAJA PO ECIN SHPEJT , NGUSHELLIME FAMILJES , SE NJERZIT FOLIN SIPAS OREKSIT TE VET
PërgjigjuIk ore rrugaq
se pari ngushellime familjes,,,e se dyti ulni shpejtesine,,hapni syte naten,,,,se ecja naten nuk eshte si diten,,,,,sepse dhe rruga qe kane bere qeveria,,eshte mashtruese dhe pa ndarje ne mes.....rreziku aty wshte shume i larte,,,,keto jane rruge qe jane bere vetem pwr te vjedhur.....
PërgjigjuO kelysh , po makinat jan perplas kok me kok ca lidhje ka rruga dhe ndricimi?? Ne asnji vend te botes nuk ndricohen gjith rruga
PërgjigjuBravo termet, ti e fitove i pari sufllaqen, dopio pite madje. Gjeja e pare qe te shkoi ne mendje ishte te mbroje partine pastaj te ngushelloje familjen qe humbi 3 anetare. urime dhe njeher termet
PërgjigjuTino! Ti po uron Termetin,nuk po ngushllon familjet e viktimave,se keshtu ju meson partia non grata
Rruga ska ndriçim, rruga ne proçes ndertimi (kantier) dhe shpejtesia ne maksimum. Ngadale o njerez ruani veten. Ngushellime familjes
PërgjigjuTe gjithe faktoret ndikojne rruga , ndricimi etj por kryesore dhe me e rrezikshmja ngelet shpejtesia e madhe dhe drejtimi nen efektin e alkoolit . Ngushellime familjeve dhe kini kujdes o njerez
PërgjigjuO z. Çollaku! Nga pamjet e aksidentit duket qe makinat kane qene shume shpejt. Nuk ka te beje ndriçimi i rrugeve. Ngushellime familjeve.
Përgjigju