Një aksident i rëndë ka ndodhur në hyrje të Fushë-Krujës në aksin rrugor që lidhet me kryeqytetin.
Gazetari i Report Tv, Julian Shota, raporton se nga aksidenti kanë mbetur të plagosur 3 persona.
Sipas të dhënave nga vendngjarja, në aksident janë përfshirë një automjet Mercedes dhe në Audi.
Të plagosurit ndodhen në gjendje të rëndë dhe janë dërguar për mjekim në Spitalin e Traumës në Tiranë.
Paraprakisht dyshohet qe shkak i aksidentit të jetë shpejtësia e madhe dhe parakalimi i gabuar.
Informacioni paraprak i policisë:
Rreth orës 11:00, në aksin rrugor “Tapizë-Fushë Krujë, automjeti me drejtues shtetasin E. H., rreth 28 vjeç është përplasur me automjetin me drejtues shtetasin K. D., rreth 19 vjeç.
Si pasojë janë dëmtuar dy drejtuesit e automjeteve dhe pasagjeri në automjetin me drejtues 28-vjeçarin, shtetasi S. H., rreth 30 vjeç, të cilët ndodhen në spital, nën kujdesin e mjekëve.
Komente
