Mali i Zi- Një aksident tragjik ka ndodhur ditën e djeshme (19 tetor) në Malin e Zi.
Një çift shqiptar nga Kosova, raportohet se ka ndërruar jetë. Ngjarje e rëndë ka ndodhur në Rozhajë të Malit të Zi.
Dy bashkëshortët po udhëtonin me automjet, në momentin që u përplasën nga një tjetër makinë në shpejtësi.
I pari humbi jetën i riu nga Peja, i identifikuar si Benjamin Lajqi. Më pas ndërroi jetë edhe bashkëshortja e tij, Sabina Lajqi, e cila edhe pse u shtrua në spital, nuk ka arritur t’u mbijetojë plagëve të marra, shkruan “Zëri”.
Policia malazeze i tha mediave se ka nisur hetimet dhe po punon për zbardhjen e rrethanave dhe shkaqeve të aksidentit fatal.
Komento
