Qarku Fier - Një aksident i rëndë ka ndodhur këtë mbrëmje në aksin Levan-Tepelenë, në afërsi të vendit të quajtur "24 orarëshi" në Poçëm, ku kanë mbetur të plagosur 7 persona, mes tyre 4 fëmijë.
Aksidenti i rëndë ka ndodhur mes automjetit tip “Nisan”, me drejtues shtetasin e identifikuar me inicialet R.Sh. dhe automjetit tip “Honday” me drejtues shtetasin e identifikuar me inicialet S.C..
“Rreth orës 19:50, në aksin rrugor "Levan-Tepelenë", automjeti tip "Nisan" me drejtues shtetasin R. Sh., është përplasur me automjetin tip "Honday" me drejtues shtetasin S. C.”,- njofton policia.
Përplasja ballore mes dy automjeteve duket se ka qenë e fortë duke shkaktuar plagosjen e 2 shoferëve, 3 pasagjerëve në mjetin "Nisan" (18 vjeç, 12 vjeç dhe 10 vjeç) si edhe 2 pasagjerëve në automjetin tip "Honday" (9 vjeç dhe 2 vjeç), të cilët ndodhen në spital, në kujdesin e mjekëve.
Mësohet se 2-vjeçari i cili ndodhej në automjetin tip "Honday" ndodhet në gjendje të rëndë shëndetësore dhe është futur në sallën e operacionit.
Burime për Report Tv bëjnë me dije se një nga makinat ka qenë me targa greke dhe vinte nga Greqia, ndërsa makina tjetër me targa shqiptare.
Përplasja mes tyre ka ndodhur në momentin kur makina me targa greke ka tentuar të hyjë në një parking 24-orësh, ndërsa makina me targa shqiptare po ikte në drejtim të Gjirokastrës.
Policia ka mbërritur në vendngjarje për zbardhjen e rrethanave të aksidentit.
Komente
Zoti u dhente sherim sa me te shpejt po kta me targa greke nuk di ta shpjegoj pse po jan si te ardallosur u ka ngel ora ne vitet 2000 me ca makina me bisht e me marmita qr bejn zhurem????.lere qe kane ca modele makinash qe sduhet ti lejojn fare ne qarkullim
PërgjigjuZoti I ndihmofte te dyja palet,por keta kamikazet me targa greke jane tmerr ne timon ,aksidentet me te frikshme vijn nga ata drejtues mjetesh.
PërgjigjuMos ji i paragjykuar. Hajde me makinë në Greqi, qarkullo përditë vetëm një muaj jo më shumë. Pastaj kur të kthehesh në Shqipëri më trego cilët janë kamikazë. Të kuptohemi, e kam fjalën për të përgjithshme nga jugu në veri. Tek e fundit fare, askush në Greqi apo jashtë Shqipërisë nuk e ka marrë me mik patentën.