Një aksident i rëndë ka ndodhur paraditen e kësaj të premte në fshatin Moravë, në Berat ku për pasojë kanë mbetur të plagosur dy persona. Sipas policisë aksidenti ka ndodhur rreth orës 11:20 përgjatë aksit rrugor Berat-Poshnjë, ku janë përplasur tre automjete.
Mësohet se nga ngjarja kanë mbetur të plagosur shtetasi me inicialet Xh.B, A.A, dhe nëna e tij, F.A, 70 vjeçe , të cilët janë dërguar në Spitalin e Beratit dhe ndodhen jashtë rrezikut për jetën. Në aksident, sipas policisë, janë përfshirë një mjet tip Benz me drejtues shtetasin Xh.B, 67 vjeç, i cili është përplasuar me mjetin tip Volsvagen dhe një automjet tjetër.
Njoftimi i plotë i policisë:
Rreth orës 11:20 në aksin rrugor Berat-Poshnje, pranë fshatit Moravë u përfshinë në aksident tre mjete.
Konkretisht mjeti tip Benz me drejtues shtetasin Xh.B, 67 vjeç, banues në Kuçovë është përplasuar me mjetin tip Volsvagen me drejtues shtetasin A.A, 44 vjeç, banues në Moravë dhe me një mjet tjetër tip Benz me drejtues shtetasin I.Z, 60 vjeç, banues në Vlorë.
Për pasojë u dëmtuan shtetasit Xh.B, A.A, dhe nëna e tij shtetasja F.A, 70 vjeçe e cila ishte pasagjere.
Të tre të dëmtuarit janë transportuar në Spitalin Rajonal Berat, jashtë rrezikut për jetën.
Grupi hetimor po kryen veprimet për zbardhjen e shkaqeve të aksidentit.
Komente
