Një 70-vjeçar ka mbetur i vdekur mbrëmjen e sotme në Elbasan, si pasojë e një aksidenti. Me një njoftim për mediat, Policia bën me dije se aksidenti u regjistrua rreth orës 20:50, në aksin rrugor Elbasan-Peqin, në fshatin Paulesh.
61-vjeçari me inicialet S.H., banues në Elbasan, duke drejtuar mjetin tip "Mazda", aksidentoi për vdekje këmbësorin, shtetasin I.H., rreth 70 vjeç, banues në fshatin Pulesh, i cili ka humbur jetën.
Drejtuesi i mjetit është shoqëruar në Komisariatin e Policisë Elbasan për veprime të mëtejshme.
Grupi hetimor ndodhet në vendngjarje dhe po punon për zbardhjen e shkakut të aksidentit.
Komento
