FIER - Një aksident automobilistik ka ndodhur mbrëmjen e kësaj të diele në aksin rrugor Fier-Kraps, ku një motor është përplasur me një automjet.
Si pasojë është plagosur drejtuesi i motorit, i identifikuar si Serjan Gogaj, i cili është transportuar në Spitalin Rajonal Fier, në kujdesin e mjekëve, ndërkohë që ka qënë vetë drejtuesi i automjetit i cili ka njoftuar policinë.
"Rreth orës 18:20, në aksin rrugor "Fier-Kraps", motomjeti me drejtues shtetasin S. G., 32 vjeç, banues në Plykë, është përplasur me automjetin me drejtues shtetasin B. Sh., 43 vjeç, banues në Tiranë",- njofton policia.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
Komento
Komente
