Një aksident i rëndë me pasojë plagosjen e dy personave është shënuar mëngjesin e sotshëm në aksin rrugor Gjirokastër-Libohove, ku dy automjete janë përplasur kokë më kokë.
Siç duket edhe në foto, makinat janë përplasur keq me njëra-tjetrën dhe përveç dëmeve materiale janë lënduar dhe dy drejtuesit e mjeteve.
Ne vendngjarje ka shkuar menjëherë autoambulanca, e cila ka transportuar ne spital dy te lënduarit te cilët janë jashtë rrezikut për jetën.
Ndërkohë grupi hetimor ka shkuar gjithashtu në vendngjarje për të zbardhur detajet dhe rrethanat mbi aksidentin.
Komento
