Një aksident ka ndodhur mëngjesin e kësaj te diele në aksin rrugor Lezhë-Laç, pranë kryqëzimit të Rrilës. Dy automjete janë përplasur me njëra-tjetrën e për pasojë njëra prej tyre ka shpërthyer në flakë.
Siç shihet edhe në pamjet që sjell Report Tv, mjeti është shkrumbuar nga flakët duke pësuar dëme të mëdha.
Nga të dhënat paraprake bëhet me dije se kanë pësuar dëmtime dy drejtuesit e mjeteve të cilët janë dërguar me urgjencë për ndihmë mjekësore në spital.
Policia e cila mbërriti menjëherë në vendin e ngjarjes, nisi hetimet për zbardhjen e shkaqeve dhe rrethanave të këtij aksidenti.
Komento
Komente
