BERAT-Një aksident ka ndodhur në aksin nacional Berat-Lushnje, në fshatin Moravë. Ka qenë automjeti tip Nissan që i ka prerë rrugën një makine me targa gjermane, ku udhëtonte familja Berberi.
Mësohet se Ëngjëll Berberi, bashkëshortja e tij dhe dy fëmijët 14 dhe 9 vjeç, kanë përfunduar në kanal. Ata janë transportuar drejt Urgjencës në Spitalin Rajonal të Beratit, ku po marrin mjekim. Mjekët e spitalit konfirmojnë se janë jashtë rrezikut për jetën dhe se të katërt kanë pësuar shembje në pjesë të ndryshme të trupit.
Mësohet se drejtuesi i mjetit që shkaktoi aksidentin, shtetasi Brahim Agalliu është shoqëruar në polici për të dhënë deklarimet në lidhje me ngjarjen, ndërkohë që konfirmohet se nuk nga testi Drager, nuk ka rezultuar me prezencë alkooli.
Në vendngjarje kanë shkuar efektivë të shumtë të policisë rrugore, për të zbardhur shkaqet e aksidentit.
