Durrës- Një aksident me pasojë vdekjen ka ndodhur mëngjesin e sotëm, në autostradën “Durrës-Tiranë”, në Sukth.
Sipas policisë, 20- vjeçari Sabri Kreka, duke drejtuar automjetin e tij, ka humbur kontrollin dhe si pasojë automjeti ka dalë nga rruga.
Për shkak të dëmtimeve të rënda që ka marrë, 20-vjeçari nuk ka mundur që të mbijetojë dhe ka humbur jetën në vendin e aksidentit.
‘Në orët e para të mëngjesit, në autostradën “Durrës-Tiranë”, në Sukth, shtetasi Sabri Kreka, 20 vjeç, duke drejtuar automjetin, ka humbur kontrollin dhe si pasojë automjeti ka dalë nga rruga. Për shkak të dëmtimeve, 20-vjeçari ka humbur jetën në vendin e aksidentit’, njoftoi sot policia.
Grupi hetimor po punon për sqarimin e rrethanave të aksidentit. Paraprakisht sipas hetimeve, shkak dyshohet të jetë shpejtësia e madhe.
Sabri kreka, i riu i aksidentuar sot në Tiranë-Durrës
Pak orë pas aksidentit tragjik në autostradën Durrës-Tiranë, pranë zonës së Sukthit, zbulohen edhe detaje nga ngjarja dhe se kush është viktima.
Mësohet se Sabri Kreka, i riu në foto, pritej të festonte 20-vjetorin e lindjes më 19 nëntor (nesër), por fatkeqësisht humbi jetën në këtë ngjarje të rëndë rrugore, që ndodhi pas mesnate.
Sipas burimeve policore, automjeti që drejtohej nga i riu doli nga rruga pasi ai humbi kontrollin mbi drejtimin e mjetit, ndërsa dyshohet se shkak për aksidentin ka qenë shpejtësia e lartë.
Komente
Ketu pse nuk jepet marka e modeli i automjetit, apo do u dale se ndalohet te drejtoje nje mjet aq te fuqishem pa i bere 21 vjec. Gjithsesi jeni profesioniste te medhenj.
Përgjigju