Një 30-vjeçar ka rënë në prangat e policisë pas një aksidenti që shkaktoi në aksin rrugor Fushë-Bulqizë.
I riu në gjendje të dehur teksa po lëvizte me motor u përplas me një makinë.
I lënduar përveç tij mbeti edhe pasagjeri që ndodhej në makinë- fatmirësisht jashtë rrezikut për jetën.
Njoftimi i policisë:
Specialistët e Sektorit të Qarkullimit Rrugor arrestuan në flagrancë shtetasin M.K., 30 vjeç, banues në Bulqizë, pasi në Fushë-Bulqizë, duke drejtuar një motomjet në gjendje të dehur, humbi kontrollin mbi drejtimin e tij dhe u përplas me automjetin që drejtohej nga shtetasi A.C.
Si pasojë e përplasjes, mbeti i lënduar shtetasi M.K., si dhe një pasagjer që udhëtonte me shtetasin A.C., i cili ndodhet në spital, jashtë rrezikut për jetën.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Komente
