Një aksident ka ndodhur rreth orës 10:00 të kësaj të mërkure në autostradën Levan- Tepelenë, në vendin e quajtur Mollaj.
Një automjet tip ”Ford” ka dalë nga rruga duke përfunduar i përmbysur në tokat bujqësore.
Drejtuesi i mjetit, Lorenc Kasaj 46- vjeç, i cili është një punonjës policie, ndodhet jashtë rrezikut për jetën, ndërsa ka qenë jashtë shërbimit në momentin që ndodhi aksidenti.
“Rreth orës 08:45, në aksin rrugor "Levan-Tepelenë", shtetasi Lorenc Kasaj, 46 vjeç (punonjës policie, jashtë shërbimit), duke drejtuar automjetin e tij, ka humbur kontrollin dhe si pasojë automjeti ka dalë nga rruga”, njoftoi sot policia.
Grupi hetimor dhe AMP po punojnë për sqarimin e rrethanave dhe shkakut të aksidentit.
Komento
