LEZHË- Një aksident rrugor është regjistruar paraditen e sotme në aksin rugor Shkodër-Lezhë, përkatësisht në fshatin Mabë. Burime zyrtare bëjnë me dije se mjeti tip ' Volkswagen', me drejtuesen e identifikuar si K.U.,43 vjeçe, ka plagosur një këmbësore.
Si pasojë e aksidentit, këmbësorja L.K., mosha e së cilës nuk është bërë e ditur, ka marrë plagë të rënda. Ajo është nisur drejt spitalit të Traumës për të marrë ndihmë mjekësore më të specializuar.
43-vjeçarja e cila shkaktoi aksidentin është shoqëruar në Komisariatin e Policisë së Lezhës, ndërsa grupi hetimor ndodhet në vendngjarje për të zbardhur shkaqet e ngjarjes.
Komento
Komente
