Në aksident ka ndodhur mbrëmjen e sotme në rrugën e Myltës në Lezhë. Një automjet tip 'Ford' ka përplasur një fëmijë 12- vjeç që lëvizte me biçikletë.
I mituri ka mbetur i plagosur dhe është dërguar me urgjencë në Spitalin e Traumës në Tiranë, ku është jashtë rrezikut për jetën. Automjeti drejtohej nga një grua, e cila është shoqëruar në polici dhe po merret në pyetje.
Ndërkohë, policia e cila mbërriti në vendin e ngjarjes, ka nisur hetimet për zbardhjen e shkaqeve dhe rrethanave të këtij aksidenti.
'Lezhë/Informacion paraprak. Rreth orës 19:40, në fshatin Mylte, Lezhë, automjeti me drejtuese shtetasen D. N., 39 vjeçe, është përplasur me një biçikletë që lëvizte një shtetas i mitur, rreth 12- vjeç.
Si pasojë e përplasjes, i mituri ka pësuar dëmtime dhe është transportuar në Spitalin e Traumës, ku ndodhet jashtë rrezikut për jetën. Drejtuesja e automjetit është shoqëruar në Komisariatin e Policisë, për veprime të mëtejshme procedurale', tha ai.
Grupi hetimor ndodhet në vendngjarje dhe vijon puna për sqarimin e plotë të rrethanave të aksidentit.
Komente
