POGRADEC- Një aksident rrugor ka ndodhur në aksident, ku tre persona kanë mbetur të plagosur. Dy mjete u përplasën në aksin rrugor "Korçë-Pogradec" rreth orës 15:30.
Report tv sjell pamjet e para nga aksidenti masiv, ku shihet se përplasja ka qenë e fortë, ndërsa një prej të aksidentuarve ndodhet ne asfalt. Të tre u dërguan në spital për të marrë ndihmë mjekësore dhe ndodhen jashtë rrezikut për jetën.
Aksidenti u shënua pranë fshatit Lin dhe në vendngjarje mbërritën policia, zjarrfikësja dhe tre ambulanca. Aksidenti shkaktoi radhe kilometrike, pasi rruga u bllokua nga ora 15:30 deri rreth ores 17:00.
“Rreth orës 15:30, në aksin rrugor "Korçë-Pogradec", janë përplasur automjeti tip "Benz" me drejtues shtetasin B. Xh. me automjetin tip "Seat" me drejtues shtetasin O. Xh.
Si pasojë e aksidentit janë dëmtuar të dy drejtuesit e automjeteve dhe pasagjeri në automjetin tip "Seat", të cilët ndodhen në spital, jashtë rrezikut për jetën”, njoftoi policia.
Grupi hetimor ndodhet në vendngjarje dhe po punon për zbardhjen e rethanave të aksidentit.
