Shkodër-Një 34-vjeçare ka përplasur sot me makinë një çift të moshuarish teksa ishin duke lëvizur me një motomjet në Shkodër.
Ngjarja ka ndodhur rreth orës 09:00, në lagjen “Tre heronjtë”.
Dy të moshuarit janë transportuar në spital dhe fatmirësisht ndodhen jashtë rrezikut për jetën.
“Rreth orës 09:00, në lagjen “Tre heronjtë”, shtetasja E. R., 34 vjeçe, me automjetin që drejtonte, ka përplasur motomjetin me drejtues shtetasin N. M., 77 vjeç, dhe pasagjere bashkëshorten e tij, shtetasen L. M., 73 vjeçe. Nga përplasja janë dëmtuar bashkëshortët, të cilët po marrin ndihmë mjekësore në spital, ku janë jashtë rrezikut për jetën”, thuhet në njoftimin e policisë.
Grupi hetimor po punon për sqarimin e rrethanave të këtij aksidenti.
Komento
Komente
