Një aksident rrugor është regjistruar mbrëmjen e sotme në zonën e Sukthit e për pasojë janë plagosur 4 persona.
Dy makina, njëra tip "Renault" dhe një tip "Benz" janë përplasur me njëra tjetrën. Si pasojë janë plagosur 4 persona me iniciale E. B., 18 vjeç, B. M., 16 vjeç, dhe Z. B., 15 vjeç, të cilët udhëtonin në mjetin tip "Renault".
Ata u dërguan menjëherë në spital ku aktualisht ndodhen jashtë rrezikut për jetën.
"Më datë 27.02.2021, në orën 19:15, në Sukth, janë përfshirë në aksident rrugor mjeti tip "Renault" me drejtues shtetasin F. O., dhe mjeti tip "Benz", me drejtues shtetasin Xh.B., rreth 55 vjeç. Si pasojë e përplasjes janë lënduar drejtuesi i mjetit tip "Renault", shtetasi F. O., dhe pasagjerët në mjet shtetasit E. B., 18 vjeç, B. M., 16 vjeç, dhe Z. B., 15 vjeç, të cilët ndodhen nën kjdesin e mjekëve" - njofton policia.
Grupi hetimor ndodhet në vendngjarje dhe po punon për zbardhjen e rrethanave të aksidentit.
Komente
