Një person ka humbur jetën mbrëmjen e sotme në Tapizë të Fushë Krujë dhe dy të tjerë kanë mbetur të plagosur, si pasojë e një aksidenti. Me një njoftim për mediat, Policia bën me dije se aksidenti u regjistrua rreth orës 22:00, ku u përfshinë 2 automjete.
Si pasojë e përplasjes ka ndërruar jetë 60 vjeçari i identifikuar si Qemal Shabani, ndërsa mbetën të plagosur drejtuesi i mjetit tjetër, shtetasi P. K., 29 vjeç dhe shtetësja Sh. Sh., 39 vjeçe pasagjere në mjet, të cilët ndodhen në spital nën kujdesin e mjekëve.
Grupi hetimor ndodhet në vendngjarje dhe po punon për përcaktimin e shkakut të aksidentit.
Foto nga vendi i ngjarjes
Komento
