Një i mitur ka mbetur i plagosur pas një aksidenti mes dy mjeteve në aksin Tiranë-Durrës. Aksidenti ka ndodhur në orën 16:10, ku mjeti tip "Citroen", me drejtues M. E. është përplasur me mjetin tip "Ford", me drejtues shtetasin S. K., e për pasojë është lënduar i mitur 2 vjeç, i cili ishte pasagjer në njërin mjet.
I mituri ndodhet jashtë rreziku për jetën dhe ndodhet nën kujdesin e mjekëve.
Drejtuesit e mjeteve janë shoqëruar në ambientet e Policisë, për veprime të mëtejshme. Vijojnë hetimet për zbardhjen e plotë të shkaqeve të aksidentit.
Komento
